(ಹೊನಲಿನಲ್ಲಿ ಮೂಡಿಬಂದಿರುವ, ಹೊಸಬರಹದಲ್ಲಿರುವ ನನ್ನ ಕವಿತೆ ತಾರೀಕು: ಮೇ ೦೯ ೨೦೧೩)
ಬುವಿಗಿಳಿದಿದೆ ಪನಿಪನಿಗಳ ಪರದೆ
ಸವಿಗೊರಳುಸಿರಿನ ದನಿದನಿಗಳ ಶಾರದೆ
ಹಸಿರೆಲೆಗಿದೆ ಎಳೆಬಿಸಿಲಿನ ಬಯಕೆ
ಬನವಬರಸೆಳೆದಿದೆ ಕವಳದ ಹೊದಿಕೆ
ಸವಿಗೊರಳುಸಿರಿನ ದನಿದನಿಗಳ ಶಾರದೆ
ಹಸಿರೆಲೆಗಿದೆ ಎಳೆಬಿಸಿಲಿನ ಬಯಕೆ
ಬನವಬರಸೆಳೆದಿದೆ ಕವಳದ ಹೊದಿಕೆ
ಇಬ್ಬನಿಯು ಇಳಿದಿದೆ ಇಳೆಯ ಇಕ್ಕೆಲದಲ್ಲಿ
ಇಂಚರ ಸುಳಿದಿದೆ ಜೀವ ಸಂಕುಲದಲ್ಲಿ
ದರೆಗಿಳಿದಿದೆ ಕಂಚುಅಂಚಿನ ಕುಂಚ
ಹಸಿರು ಮಂಚದ ಕೊಂಚ ಪ್ರಪಂಚ
ಇಂಚರ ಸುಳಿದಿದೆ ಜೀವ ಸಂಕುಲದಲ್ಲಿ
ದರೆಗಿಳಿದಿದೆ ಕಂಚುಅಂಚಿನ ಕುಂಚ
ಹಸಿರು ಮಂಚದ ಕೊಂಚ ಪ್ರಪಂಚ
ಹಸಿರಂಚಲಿ ಮಿಂಚುವ ಸಂಚಿದೆ ಅನುಹನಿಗೆ
ನುಸಿಯುತ್ತಿಹ ನೇಸರನಿಗೆ ಕನಸು ಕಸಿಯುವ ಸಲುಗೆ
ಕಿಡಿಬಿಸಿಲಿನ ಮಡಿಯುಟ್ಟಿವೆ ವನ ಟಿಸಿಲಿನ ಕುಡಿ
ಅಂಗಳದಲ್ಲುದುರುತ್ತಿದೆ ಅರಳು ಅರಶಿನ ಹುಡಿ
ನುಸಿಯುತ್ತಿಹ ನೇಸರನಿಗೆ ಕನಸು ಕಸಿಯುವ ಸಲುಗೆ
ಕಿಡಿಬಿಸಿಲಿನ ಮಡಿಯುಟ್ಟಿವೆ ವನ ಟಿಸಿಲಿನ ಕುಡಿ
ಅಂಗಳದಲ್ಲುದುರುತ್ತಿದೆ ಅರಳು ಅರಶಿನ ಹುಡಿ
ಗಿರಿ ಶಿಕರದಿ ಬಿರಿಯುತ್ತಿದೆ ಬೆಚ್ಚನೆ ಬೆಳಗು
ಬರಿ ಬಯಲಲಿ ಮೆರೆಯುತ್ತಿದೆ ಹಚ್ಚನೆ ಸೆರಗು
ಮನದಡವಿದೆ, ಮಯ್ಕೊಡವಿದೆ ಮಳೆತಂಪಿನ ಚಳಿಗೆ
ಹೊರಗಡಿ ಇಟ್ಟಿಹ ಮನಸಿಗೆ ಹೊಸ ಕನಸಿನ ಬೆಸುಗೆ
ಬರಿ ಬಯಲಲಿ ಮೆರೆಯುತ್ತಿದೆ ಹಚ್ಚನೆ ಸೆರಗು
ಮನದಡವಿದೆ, ಮಯ್ಕೊಡವಿದೆ ಮಳೆತಂಪಿನ ಚಳಿಗೆ
ಹೊರಗಡಿ ಇಟ್ಟಿಹ ಮನಸಿಗೆ ಹೊಸ ಕನಸಿನ ಬೆಸುಗೆ
No comments:
Post a Comment